Пры карыстанні гэтымі прыборамі варта памятаць, што заўсёды ёсць небяспека 
ўзнікнення пажару з прычыны кароткага замыкання ў сетцы.

Асноўнымі прычынамі пажараў ад электраабсталявання з'яўляюцца:
- пакіданне ўключанага электранагравальнага прыбора;
- выкарыстанне няспраўных электрапрыбораў, разетак, выключальнікаў;
- парушэнне ізаляцыі правадоў, залом, перагін, дрэннае мацаванне правадоў.

Яшчэ адной з асноўных прычын пажараў у жылых дамах з'яўляецца няправільная 
эксплуатацыя пячнога абсталявання або выкарыстанне няспраўных печаў, якія 
з'яўляюцца распаўсюджаным спосабам абагравання жылых памяшканняў у сельскай 
мясцовасці і ў прыватным жылым сектары гарадоў. Халады набліжаюцца, 
тэмпература паветра паступова паніжаецца, і ўжо многія жыхары прыватнага 
сектара і дачнікі сталі выкарыстоўваць для абагравання дамоў пячное ацяпленне.

Таму нагадваем правілы эксплуатацыі пячнога ацяплення, захаванне якіх 
дазволяць пазбегнуць страты блізкіх людзей і нажытай гадамі маёмасці.

Забараняецца:

- тапіць няспраўныя печы;
- распальваць печы пры дапамозе лёгкаўзгаральных і гаручых вадкасцяў;
- выкарыстоўваць дровы, даўжыня якіх перавышае памеры топкі;
- сушыць і складзіраваць на печах і на адлегласці менш за 1,25м ад 
  топачных адтулін паліва, адзенне і іншыя гаручыя рэчывы і матэрыялы;
- тапіць печы з адчыненымі дзверцамі;
- пакідаць малалетніх дзяцей без нагляду ў хаце, дзе топіцца печ.

Перад топачнай адтулінай на падлозе павінен быць прыбіты металічны 
ліст памерам 50х70 сантыметраў, калі вугольчык выпадзе на такі ліст, 
беды атрымаецца пазбегнуць. Попел, дзындра, вугаль варта выкідваць у 
адмыслова адведзенае месца на адлегласці не бліжэй 15 метраў ад будынкаў 
і згаральных канструкцый. Тапіць печ спыняюць не пазней, чым за дзве 
гадзіны перад адыходам да сну. Коміны печаў павінны чысціцца ад сажы не 
радзей аднаго разу ў тры месяцы на працягу ацяпляльнага сезона.

Захаванне правіл пажарнай бяспекі пры карыстанні электраабсталяваннем і 
эксплуатацыі пячнога ацяплення дазволіць вам ахаваць сябе і навакольных ад 
магчымых узгаранняў. 

#170ЛетПожарнойСлужбыБеларуси#МЧСБеларуси#170Добрыхдел