У інтэлектуальным спаборніцтве сустрэліся дзве каманды, хлопцы разгадвалі 
рэбусы, спаборнічалі ў вырашэнні лагічных задач. У канцы выхаванцы атрымалі 
сертыфікаты.

Адукацыйны праект дапамагае навучыць асновам інфарматыкі без выкарыстання 
камп'ютара дзяцей ва ўзросце 5-7 гадоў. Выхавальнікі ўпэўнены, што развіццё 
лагічнага мыслення ў дзяцей старэйшага дашкольнага ўзросту мае вялікае 
значэнне для далейшага навучання хлапчукоў і дзяўчынак у школе і іх 
сацыялізацыі ў грамадстве, бо дзякуючы лагічным аперацыям яны становяцца больш
уважлівымі, вучацца думаць ясна і выразна, у іх развіваецца фантазія.

Гуляючы, дзеці асвойваюць такія паняцці як алгарытм, адмаўленне, ісціна і 
хлусня, кадаваньне, інфармацыя і многае іншае. Праект вельмі захапіў і 
работнікаў установы сваёй навізной і актуальнасцю.

Свята атрымалася вясёлым і пазнавальным!