Супрацоўнікі Кастрычніцкага раённага аддзела па НС прыехалі ў госці 
да нашых выхаванцаў на пажарнай машыне. Ратавальнікі нагадалі правілы 
бяспечных паводзін пры пажары.  
 
Але самае цікавае для дзяцей, вядома ж, тэхніка і рыштунак ратавальнікаў, 
якія да таго ж далі памацаць, прымерыць і нават паспрабаваць у працы. 
Вогнеборцы паказалі дзецям, як працуе пажарны гідрант, яны з 
задавальненнем адказвалі на ўсе пытанні хлопчыкаў і дзяўчынак, бо 
магчыма нехта з іх у будучыні захоча сваё жыццё звязаць з менавіта МНС.
 
Мерапрыемства прайшло займальна, весела і пазнавальна!