У нашай краіне гэта свята традыцыйна адзначаюць кожную другую нядзелю мая.

Свята, прысвечанае дзяржаўным сімвалам нашай краіны, было ўстаноўлена ў 1995
годзе ў гонар прыняцця рэспубліканскім рэферэндумам дзяржаўнай сімволікі. 
Дзяржаўны герб і флаг Рэспублікі Беларусь былі зменены па выніках ініцыяванага
кіраўніком дзяржавы рэферэндуму, які прайшоў 14 мая 1995 года.

Дзеючы Дзяржаўны флаг Беларусі прыняты па выніках першага за гады незалежнасці 
ў гісторыі нашай краіны рэферэндуму, які прайшоў 14 мая 1995 года. Чырвоная 
паласа на сцягу сімвалізуе мужнасць народа, які крывёю абараніў сваю свабоду. 
Зялёная - колер жыцця і надзеі, колер нашых лясоў і палёў, сведчанне мірнага
характару беларусаў, іх працавітасці. Белая паласа з арнаментам - сімвал 
чысціні і высокай духоўнасці.

Герб прадстаўляе зялёны контур Рэспублікі Беларусь у залатых промнях сонца 
над зямным шарам. Зверху контуру знаходзіцца пяціканцовая чырвоная зорка. 
Герб апраўляе вянок з залатых каласоў, пераплеценых справа кветкамі канюшыны, 
злева - лёну. Каласы абвіты чырвона-зялёнай стужкай, на якой знізу зроблены 
надпіс золатам "Рэспубліка Беларусь".

Апошнія змены герба зацвердзілі ў студзені 2021 года. Зялёны контур дзяржаўнай 
мяжы Беларусі стаў залатым. Некалькі іншую форму набылі каласы, канюшына і лён 
на які атачае вянку. А планета пад узыходзячым сонцам павярнулася на гербе так, 
што наша краіна апынулася ў цэнтры выявы. Змяніўся таксама колер мацерыкоў з 
сіняга на цёмна-аранжавы.

Тэкст і музыка гімна зацверджаны 2 ліпеня 2002 года. Музыку да яго напісаў 
беларускі кампазітар Нестар Фёдаравіч Сакалоўскі (1902–1950), словы – 
беларускія паэты Міхась Мікалаевіч Клімковіч (1899–1954), Уладзімір Іванавіч 
Карызна (г.н. 1938).

Дзяржаўныя сімвалы Рэспублікі Беларусь: герб, сцяг і гімн.