Навіны раёна
У перыяд правядзення рэспубліканскай акцыі “Дзень бяспекі. Увага ўсім!» работнікі Кастрычніцкага раённага аддзела па надзвычайных сітуацыях арганізавалі і правялі экскурсію для дзяцей з прышкольнага лагера гімназіі нумар 35 Мінска
У пачатку экскурсіі ў гульнявой форме школьнікі разам з інспектарам МНС паўтарылі нумары тэлефонаў экстраных службаў, пагаварылі аб правілах бяспечных паводзін у школе, дома і на вуліцы, успомнілі як правільна выклікаць ратавальнікаў у выпадку пажару і замацавалі веды на практыцы з дапамогай гульні "Надзвычайныя сітуацыі".
Далей работнікі МНС для дзетак арганізавалі экскурсію, падчас якой правялі гасцей па памяшканнях аварыйна-выратавальнай часці, расказалі аб тэхніцы, якая стаіць у баявым разліку, паказалі аварыйна-выратавальнае абсталяванне, і дазволілі пасядзець у пажарнай машыне. У канцы мерапрыемства наведвальнікі лагера атрымалі ў падарунак ад ратавальнікаў маляўнічую наглядна-выяўленчую прадукцыю.
Для обеспечения удобства пользователей сайта используются cookies.