На тэрыторыі цэнтра "Ветразь" для жыхароў раёна разгарнуліся не толькі 
выстава тэхнікі і абсталявання МНС і МУС, але і майстар-класы і розныя 
пункты актывацыі. Актыўна ўдзельнічалі ў свяце і сем'і, у якіх дзеці 
не наведваюць установы адукацыі - дарослыя і малыя з задавальненнем 
гулялі ў тэматычныя гульні па бяспецы, удзельнічалі ў віктарынах і 
вырашалі складаныя галаваломкі.

Традыцыйна асаблівую цікавасць выклікала тэхніка і інструмент, пры 
дапамозе якіх ратуюць людзей. Наведвальнікі свята змаглі папрактыкавацца 
ў трапнасці збіваючы мяч водным струменем, прымерыць баявое адзенне 
работнікаў МНС і нават адчуць сябе крыху ратавальнікамі, размясціўшыся 
ў пажарным аўтамабілі.

Усе госці мерапрыемства атрымалі зарад вясновага настрою, важныя 
веды і яркія падарункі ад ратавальнікаў.