У Беларусі ўтвораны выбарчыя акругі па выбарах дэпутатаў Палаты 
прадстаўнікоў. Потым адбудуцца выбары членаў Савета Рэспублікі, 
дэлегатаў Усебеларускага народнага сходу ад суб'ектаў грамадзянскай 
супольнасці і дэпутатаў мясцовых Саветаў. Падрыхтоўка да важнай 
электаральнай кампаніі ідзе поўным ходам.

Час працы выбарчых участкаў у перыяд датэрміновага галасавання з
 12.00 да 19.00 без перапынку ў працы ўчастковай камісіі.

Прынятая на пасяджэнні пастанова ЦВК змяшчае падрабязнае апісанне 
межаў кожнай акругі, а таксама іх найменне, нумары, колькасць 
выбаршчыкаў і месца знаходжання акруговых выбарчых камісій. 
Дакумент будзе апублікаваны на афіцыйным сайце Цэнтральнай 
камісіі, а таксама ў «СБ. Беларусь сёння».

Акрамя таго, ЦВК праведзена работа па нанясенні межаў выбарчых 
акруг на публічную кадастравую карту краіны. Таксама зацверджана 
палажэнне аб навукова-экспертнай радзе пры ЦВК Беларусі. І вырашана, 
што маладым выбаршчыкам, якія ўпершыню прыйдуць на выбарчыя ўчасткі 
ў 2024 годзе, будуць уручаны падарункавыя выданні Канстытуцыі нашай
краіны.

Коратка аб галоўным

Аб камандзе, задзейнічанай на выбарах-2024:

- У складзе камісій будуць працаваць прыкладна 70 тысяч чалавек,
 гэта каля 6 тысяч камісій. Акрамя таго, будуць, канешне ж, 
нацыянальныя назіральнікі, а кандыдаты ў дэпутаты Палаты 
прадстаўнікоў у адпаведнасці з заканадаўствам змогуць вылучыць 
свайго прадстаўніка ў склад акруговых камісій з правам дарадчага 
голасу. Напэўна, і палітычныя партыі, і іншыя структуры, якія 
вылучаюць таго ці іншага кандыдата, будуць удзельнічаць у 
агітацыйнай кампаніі, дэбатах, прадстаўляць свайго кандыдата.

Аб сярэдняй колькасці выбаршчыкаў на акругу:

- Цэнтральнай камісіяй устаноўлена сярэдняя колькасць выбаршчыкаў 
па выбарах дэпутатаў Палаты прадстаўнікоў у колькасці 61 960. 
Аналагічныя рашэнні па вызначэнні сярэдняй колькасці выбаршчыкаў 
на выбарчую акругу прыняты мясцовымі Саветамі дэпутатаў. 
Вызначана таксама колькасць акруг, якія будуць утварацца да выбараў 
дэпутатаў мясцовых Саветаў, гэтая лічба складзе 12 514 акруг, што 
на 5,5 тысячы менш у параўнанні з кампаніяй 2018 года. Колькасць 
Саветаў зменшылася на 25. Усяго ў краіне будзе сфарміравана 1284 
Савета дэпутатаў.

Аб галасаванні грамадзян, якія знаходзяцца за мяжой:

— У адпаведнасці з новым выбарчым заканадаўствам мы не фармуем 
выбарчыя ўчасткі за мяжой. Але гэта не ўшчамляе правы грамадзян, 
якія выехалі па тых ці іншых прычынах за мяжу. Яны могуць прыехаць 
у краіну і ў перыяд датэрміновага галасавання з аўторка па суботу 
або ў адзіны дзень галасавання - 25 лютага 2024 года - выканаць 
свой грамадзянскі абавязак: прыйсці на ўчасткі і прагаласаваць.

Аб дакументах для галасавання:

- Для гэтага патрэбен дакумент, які сведчыць асобу. Такім з'яўляецца 
пашпарт, але ЦВК традыцыйна прымае рашэнне аб тым, якія яшчэ 
дакументы могуць сведчыць асобу грамадзяніна: у выпадках, калі пашпарт, 
дапусцім, знаходзіцца на афармленні, пададзены на атрыманне візы і г.д. 
Да такіх дакументаў мы, як правіла, адносілі пенсіённае пасведчанне, 
студэнцкі білет, пасведчанне дзяржаўнага служачага. Гэта чыста 
працэдурныя пытанні.

Глядзець відэа: https://clck.ru/38aQ4d

                            https://clck.ru/38aQ7i

                            https://clck.ru/38aQBA

                            https://clck.ru/38aQEm