Спікерам выступіла старшы інспектар Кастрычніцкага раённага аддзела 
па надзвычайных сітуацыях. Інспектар паведаміла, што ад узнікнення 
пажару не застрахаваны ніхто, аднак у пераважнай большасці выпадкаў 
вінаватым з'яўляецца сам чалавек. Тэма аказалася актуальнай і 
цікавай для ўсіх удзельнікаў.

Прадстаўнік МНС давяла работнікам прадпрыемства статыстычныя даныя 
па ўзгараннях, якія адбыліся на тэрыторыі раёна, горада і рэспублікі, 
прывяла прыклады ўзгаранняў, якія адбыліся непасрэдна ў Кастрычніцкім 
раёне.

Спікер адзначыла, што ў жыцці кожнага чалавека могуць адбыцца 
сітуацыі, дзе неабходна ведаць і няўхільна выконваць правілы 
бяспечнай жыццядзейнасці. Распавяла, як граматна дзейнічаць у 
розных надзвычайных сітуацыях.

Асобна прадстаўнік выратавальнага ведамства спынілася на асноўных
 прычынах пажараў. Яна адзначыла, што большасць вогненных трагедый 
адбываецца з-за бестурботнасці грамадзян, якія знаходзяцца ў стане 
алкагольнага ап'янення.

У ходзе гутаркі былі разгледжаны алгарытмы дзеяння пры ўзнікненні 
пажараў і правілы выкарыстання першасных сродкаў пажаратушэння, 
паслядоўнасць дзеянняў пры выкарыстанні вогнетушыцеля.

Спікер нагадала аб няўхільным выкананні супрацьпажарнага рэжыму, 
за парушэнне якога грамадзяне і службовыя асобы могуць ва ўстаноўленым 
парадку быць прыцягнуты да адміністрацыйнай адказнасці.

У завяршэнні сустрэчы інспектар адказала на шматлікія пытанні 
ўдзельнікаў.

#170ЛетПожарнойСлужбыБеларуси#МЧСБеларуси#170Добрыхдел